Жаңалықтар Дәурен Абаев «100 жаңа есім» жобасы не үшін керектігін түсіндірді

Дәурен Абаев «100 жаңа есім» жобасы не үшін керектігін түсіндірді

Дәурен Абаев «100 жаңа есім» жобасы не үшін керектігін түсіндірді

ҚР Ақпарат және қоғамдық даму министрі Дәурен Абаев «Қазақстанның 100 жаңа есімі» жобасы не үшін керектігін айтты, деп хабарлайды ҚазАқпарат тілшісі. Ведомство басшысы «100 жаңа есім» жобасы Тәуелсіздік жылдарында елімізге оң ықпалын тигізген азаматтарды насихаттау, олардың еңбек тәжірибесін таныстыру мақсатында ұйымдастырылғанын еске салды. «Осы жоба арқылы түрлі салада Қазақстанда дарынды жастар бар екенін көрсеткіміз келеді. Бүгінде олардың табысты тәжірибесі көптеп кездеседі. Өкінішке қарай, күнделікті өмірдегі қарбалас жұмыстармен осы адамдарды байқамай жүруіміз мүмкін. Сондықтан бұл адамдардың табысты еңбек тәжірибесімен мақтан тұтатынымызды көрсеткеніміз жөн», - деді Д. Абаев елордада өткен баспасөз мәслихатында. Осы орайда министр «100 жаңа есімге» лайықты адамдар жайында көбірек айту артық болмайтынын, осы адамдар қиындықты қалай еңсергені баршаға үлгі екенін жеткізді. «Осы адамдардың өмір жолы өскелең үрпақты ынталандыруы керек, яғни үлгі болуы тиіс. Бұл тұрғыда көпбалалы отбасылардан шыққан балалар үшін үлгі болатыны анық. Өйткені аталған жобаға қатысушылардың көбісі көпбалалы отбасылардың тәрбиесінде болды. Олар бүгінде түрлі салада елеулі табысқа жетіп отыр», - деді Д. Абаев. Бұдан бұрын хабарланғандай, 2019 жылдың 1 қазанынан бастап 100janaesim.ruh.kz сайтында «Қазақстанның 2019 жылғы 100 жаңа есімі: жас қазақстандықтардың табыс тарихы» жобасына өтінімдер қабылдау басталады.

 inform.kz